سأتحدث اليوم عن الربح من الانترنت أفضل خطوات سيو و تصدر نتائج البحث فى جوجل وطرق الحفاظ على نتائجك فى محركات البحث عبر بعض الاسرار فى السيو وطرق مسك الكلمات الدلالية فى محركات البحث و أفضل طرق بناء باك لينك أو ما يعرف بالروابط الرجعية (داخلي وخارجى) ويجب أن تعتمد على استراتيجية SEO.
من المتوقع فى نهاية هذه المقالة ان تكون قادر على:
- أختيار فكرة موقعك.
- تتعرف على عوامل إختيار فكرة موقعك.
- تتعرف ايضاً طرق إنشاء من هذه الفكرة شيئ مميز.
- العمل على تطوير الفكرة
- تتعرف على بلوجر أم وردبرس؟!
- تتعرف على مميزات كل من (بلوجر - وردبرس)
- تتعرف على دراسة السوق
- طرق إنشاء المحتوى الحصري
- بناء باكلينك بكل الطرق الممكنة
- إنشاء خطة عمل فى اول شهر
النتائج المتوقعة من المقالة:
مسك اى كلمة تريد فى محركات البحث ذات منافسة متوسطة أو شرسة.
أختيار فكرة موقعك
أسلوب اختيار فكرة موقعك
1-إرضاء شغفك ككاتب محتوى:
بمعنى ان كل شخص ليه مجال بيحب يكتب فيه او يقراء فيه والمجال ده عنده فيه خبرة جيدة فيه فممكن تقدر تضمن:
- انك تقدم محتوى ذو قيمة وكلمة ذو قيمة هى الحجر الاساسى لنجاح اى مشروع او موقع لشخص بيدور على ارابح من أدسنس او حتى الافليت أو عروض CPA.
- تقدر تضيف معلومات لشخص مبتداء فى المجال وتقدر تضيف معلومات اكتر لشخص ذو مستوى متوسط.
- علاقة وطيدة مع الزائر
2-إيجاد فكرة مربحة مادياً:
طبعاً دى نقطة لا يجب أن نغفل عنها لان اي موقع اساس إنشائه هو الربح من الانترنت ، فبمجرد تحديد الفكرة انت هتعرف هل الفكرة دىمربحه من الانترنت أم لا وده ببساطة بتعرفه عن طريق عدد مرات البحث على المجال اللى انت بتشتغل عليه واذا كان المجال يتخطى 5 الالف بحث شهرى وده المتوسط (يفضل ان تكون اكثر).
3-إيجاد فكرة ناجحة تسويقياً:
ياعنى ايه ناجحة تسويقياً؟
أول لما جيت أختار فكرة العبقرى للمعلوميات انا قولت ازاى هسوق لمواضيعى هل هى عبر السيو؟! أم عبر الشبكات الاجتماعية أم تسويق عبر المنتديات أم عبر الاعلانات أنا اكتشفت ان اكثر طرق تحقق نتائج على طول المدى هى أول ثلاث طرق التسويق عبر محركات البحث (سيو) والتسويق عبر الشبكات الاجتماعية (جروبات الفيس بوك والتويتر وجوجل بلس) وابتديت بعد كدة أشوف الناس عايزة ايه واكتبه فى موقعى بشكل مستمر وأحط الرابط فى التعليقات كأجابة فبكدة انت بتكسب:
- ثقة الزائر
- زائر دائم الى موقعك.
- ثقة محركات البحث.
4- معرفه إحتياجات السوق:
ده مهم جداً لانك انت بتحقق Targeted اللى بيطمح ليه الزائر وعلشان تعرف الاسألة التى بدور حول مجالك استخدم:
- Yahoo Answers اذا كان محتوى اجنبي
- Wiki How اذا كان محتوى اجنبي
- إذا كان محتوى مدونتك عربي استخدم المنتديات المختلفه المتخصصة فى موقعك
عوامل اختيار هذه الفكرة:
الامكانيات المتاحة اليك:
سنأخذ نفس المثال العبقرى للمعلوميات حللت المنافسين وجدت ان:
- جميع المنافسين يعملون بدومينات مدفوعة فبكدة مقدرش اشتغل بدومين مجانى.
- كل المنافسين لديهم Style خاص بموقعهم فيجب ان اتميز عنهم بأستيل فريد من نوعة ومحسن للسيو.
مؤهلاتك وخبراتك فى هذا المجال:
- هل بتقراء عن المجال ده بأى شكل من الاشكال؟
- هل شاهدت كورسات أو شروحات على الانترنت؟
- هل جمعت او عرفت معلومات جديدة أو مفيدة فى مجالك؟
- هل اشتغلت فى المجال ده أو استخدمت هذا المجال بأى شكل من الاشكال؟
قدرتك على الإبتكار فى المجال:
- هل ستضيف شيئ جديد فى المجال؟
- هل تستيطع الإبتكار؟
- هل ستساعد الاشخاص فى حل مشكلة؟
- هل ستطرح فيديوهات متخصصة؟
- هل ستطرح ايفنت أونلاين لمجالك أو ما يعرف بالـ webinars
كيف تصنع من هذه الفكرة شيء مميزاً؟
قم بتقديم الفكرة بشكل مختلف عن المنافسين:
يجب تقديم الفكرة بشكل مختلف عن المنافسين من ناحية الشكل والمضمون وده بيحصل لما تحلل مواقع المنافسين وتعرف بيقدمو مواضيعهم ازاى؟
- هل مواضيعهم بتقدم فى شكل معلومات عامة؟
- هل مواضيعهم بتقدم فى شكل صيغة احترافية؟
- هل تقدم على شكل احصائيات ونسب؟
- تقدم مواضيعك فى شكل حلول لمشاكل الناس.
- تقديم مواضيعك فى شكل سؤال وجواب.
- تقديم المحتوى بشكل شخصى بمعنى انك بتخاط الزائر نفسة.
منصة اطلاق الموقع:
كل مجال ليه منصة معينة بعد طبعاً تحليل المنافسين وتعرف اى المنصات يستعملون ويوجد الكثير من المنصات للتدوين ولكن يبقى بلوجر والوردبرس هما الافضل.
كدة أنت على الطريق الصح ... العمل على تطوير هذه الفكرة وتنميتها
إيجاد جوانب إخرى لفكرتك:
ياعنى تعرف ما الذى يبحث عن الزائر ويريده بشدة وايضاً ما الذى لم يبحث عنه الزائر وكمثال موضوع ما هى Schema؟ فقط طرحت موضوع يبحث عنه الكثيرون ولكن بدون جدوى و الكثير من محترفى السيو واشهار المواقع كانو يخفونه عن المحتوى العربي.
دع زوارك يختارون ما تكتب لهم!
فى الخطوة دى حاول انك تعرض عليهم مثلاً استطلاع رأى او سؤال أو اكتر مشكلة بتوجهم فى المجال الخاص بك او اكتر خدمة عايزين بجربوها أنت ممكن تجربها وتقدم تقرير عنها شوف الاسألة التى يسألوها في موقعك أو مواقع المنافسين وابدأ بتقديم محتوى عن كل هذا ده سيجعل موقعك المصدر الرئيسي فى مجالك.
بلوجر أم وردبرس؟
هيا بنا نذهب الى معرفه اى منهم أفضل ليك كمدير موقع:
مميزات بلوجر:
- لا تقلق من الاختراق.
- كل المدونات تستضاف على لوحة تحكم واحدة.
- من المستحيل ان تواجه مشكلة تقنية فى موقع بلوجر ابداً.
- مجانية.
- سهولة وضع اعلانات ادسنس فى بلوجر.
- سهولة التعامل.
- سهولة كتابة المواضيع.
- اضافة رابط ثابت
- اضافة استهداف للدولة
- سهوله تعديل قالب الموقع
مميزات الوردبرس:
- أفضل منصة من ناحية السيو.
- امكانية تسجيل الاعضاء.
- امكانية انشاء مدونة مجانية.
- امكانية رفع الملفات على السيرفير.
- امكانية استخدام الوردبرس فى كثير من المجالات.
- أوبشن زيادة.
- الموقع على استضافة شخصية.
- دعم فنى موجود بكثرة.
أى من المنصتين أفضل من ناحية السيو؟
بالنسبة لبلوجر السيو يتم فيها بشكل يدوى بشكل تام.
الوردبرس
المنصة الافضل فى السيو.
متى تستخدم بلوجر ومتى تستخدم وردبرس؟
لو عندك موقع معلومات بيتكلم عن مجال محدد وبيقدم للزوار شروحات فى شكل مواضيع أنصحك بأستخدم بلوجر.
لكن على الجانب الاخر لو عندك موقع بيتكلم عن الاخبار انصحك بالوردبرس لانها بتتميز فى المجال ده اكتر.
دراسة السوق والمنافسين.
كيف تقدر تدرس احتياجات السوق وتلبى احتياجات السوق؟
لكل سوق ومجال احتياجات والاحتياجات هنا تتلخص فى ما يبحث عنه الزائر وهو ما يتم فى شكل كلمات دلالية محددة لكن لازم تعرف أن فيه اكثر من طريقة لعمليات البحث ولازم تعرفهم كلهم علشان تستطيع ان تقدم ما يبحث عنه الزائر بشكل دقيق.
الكلمات الدلالية أو Keywords:
- الكلمة الدلالية هى انعكاس لما يفكر فيه الزائر.
- ويجب ان تعلم ان عملية البحث تعتمد على النية بنسبة 80%.
يوجد الكثير من الطرق يبحث التى يبحث عنها الكثيرون:
- البحث عن طريق الفكرة العامة مثلاً تكتب سيارات أو هواتف ذكية أو مثلاً ناس راحو الى الدكتور وقام الدكتور بأعطائهم تشخيص محدد واول لما راحو البيت فتحو العم جوجل وراحو كتبو التشخيص فى الحالة دى مش هتفرق موضوعك فى الصفحة الاولى او الثانية او حتى العاشرة المهم انهم يلقى المعلومات الكافية عن التشخيص
- البحث بمفهوم محدد: أحنا هنا بنحصر عمليات البحث بشكل اكبر النوع ده من الناس بيستخدموه علشان يبحثو عن معلومات محددة ، كمثال ايفون 5 ولكن فى العادى جوجل بتظهر نتائج مشابها للكلمة كمراجعات أو مثلاً احصائيات ...إلخ عندنا مثال تاني لو ان واحد عايز يسافر مثلاً هنا فى مصر عايز يسافر الى شرم الشيخ هيعوز طبعاً يعرف الفنادق المتاحة فى شرم الشيخ وعايز يعرف ازاى يروح من القاهرة الى شرم الشيخ بالعربية ، اماكن الراحة فى الطريق ، أسعار تذاكر الطيران ، ايه الاماكن اللى ممكن يروحها هيبقى هناك كم مدة من الزمن يكون هناك ، دورك هنا انك توفرله كل هذا فى مقالة واحدة بحيث انه لا يخرج من موقعك ويبقى اطول فترة ممكنة.
- البحث الدقيق: هنا بقى ناس بيبحثو عن حاجة مهمه جداً و إذا دخل فى الموقع ولم يجد المعلومات سيضغط على زر Back.
كيف تقدر تدرس المنافسين وتقدر تحدد نقاط قوتهم وضعفهم وتركز بشكل كبير على نقاط ضعفهم؟
حتى تتفوق على منافسيك هناك اكثر من خطوات ، تعالى نقسم الخطوات دى الى قسمين
جزء تقنى من ناحية السيو
- أول خطوة يجب ان تقوم بها هى ان تفتح موقع المنافس وتشوف الكلمات المظللة فى المحتوى مثل السيو أو المائلة مثل سيو هذه الكلمات موضوعه بهذه الطريقة من أجل محركات البحث ويجب ان تعرف حتى هذه اللحظة تهتم محركات البحث بالكلمات Bold و الكلمات المائلة شوف الكلمات المفتاحية الموجودة فى الصفحة عبر Title Tag والروابط النصية فى الصفحة الكلمات دى هى الكلمات التى يعمل الموقع عليها بيحاول انه يمسكها.
- خطوة اخرى ممكن انك تحلل Source Code الخاص بالصفحة عبر الضغط على Ctrl + U وممكن تشوف عن طريقها الوصف الخاص بالصفحة والكلمات الدلالية الخاصة بالموقع وممكن تقوم بيها عن الالياً عن طريق اداة MOZ Tool Bar عن طريق هذه الطريقة ستستطيع ان تستلخص الكثير من الكلمات الدلالية ممكن تبنى موقع ناجح ربحى عليها بالطريقة الصحيحة والمهم هنا انك حطيت رجلك على نهاية طريق المنافس وتبداء من حيث انتهى الاخرون لان اسوء شيء ممكن تعمله فى موقعك هو انك تبدأ بداية خاطئة
- حاول بشكل اسبوعى انك تراقب الروابط الخلفية للمنافس (الباك لينك) دائماً حاول ان تواكب طرق بناء الباكلينك الخاصة بالمنافسين بمعنى انهم كل ما يضعون باكلينك فى موقع مختلف انت تدخل تحط فى نفس الموقع.
- لتتفوق عليهم يجب ان تسبقهم بخطوة ولتسبقهم بخطوة يجب ان يكون لديك خطتك التسويقية فى بناء الباكلينكات.
جزء من الناحية المادية أو المحتوى
حاول ان تفهم الطرق التى يكتب بها منافسيك للمتابعين
- هل بيكتب المحتوى بشكل احترافى؟
- بلهجه معينة.
- لهجه فيها احصائيات كتيرة.
- معلومات بشكل مقارنات.
- هل يخاطبون المبتدأين فى هذا المجال؟
- حاول انك تقدم محتواك بشكل مختلف عنه بمعنى اوضح انه لو بيقدم معلومات بدون صور اضف انت صور لو بيقدم كلامية بالصور ولا يضيف الفيديو اضف الفيديو + الصور + الكلام.
- حاول دائماً انك تقدم المحتوى الخاص بيك لحل مشكلة معينة مش بشكل نصى معلومات عامة.
إدارة المحتوى:
الاحصائيات بتقول ان 78% من المدونين على الانترنت لديهم مشكلة المحتوى على الانترنت وايجاد افكار لتقديمها للزوار ، ودى حقيقة بتواجهنا كلنا ، فقط انت من يستطيع ان تعرف اى من المحتويات هيفيدك فى محركات البحث وده بناء على عدد البحث على كلمات الدلالية اللى انت بتستهدفها ، وحاول انك يبقى المحتوى الخاص بيك مثل كوكتيل يوجد به كل اشكال المحتوى من انفوجرافيك الى فيديو الى محتوى مكتوب الى صور الى احصائيات الى مقارنات مروراً بالمساعدات.
أفكار المحتوى الحصرى
محتوى يطرح فى شكل تعليمي
هنا بنتكلم عن المحتوى الذى تعلم فيه زوارك طريقة فعل شيء معين أو طريقة الاستفادة من طريقة معينة أو خدمة معينة أو تعطيهم معلومات لم تمر عليهم من قبل.
محتوى يطرح فى شكل إحصائيات
فى النوع ده ممكن ان تأخذ احصائية او مقارنة وتبنى عليه موضوع وتعرض وجه نظرك فيها من وجه نظر خبير فى المجال ده.
محتوى يطرح فى شكل تقني
ممكن تقدم محتوى يقدم شيء تقنى أو عمل شيء معقد وتركز عليه بالتفاصيل أو بمعنى اصح تركز اكتر على المواضيع التى تستهدف الناس الخبيرة فى مجالك.
محتوى يطرح فى شكل مساعدة
ودى اكتر طريقة بيحبها الزائر ، انك تقدم موضوع لأستخدام خدمة ما ، أو لكن بتشرحه خطوة بخطوة.
راقب منافسيك
أفتح جوجل واكتب الكلمة الدلالية التى تنافس عليها وتدخل على أول 3 نتائج وتشوف هل هم مثلاً
- اضفو قسم جديد فى موقعهم تقدر انت تضيفه ايضاً فى موقعك وتزوده بمحتوى مميز عنه
- هل بيتكلمو عن مواضيع تناقش فكرة مهمة؟ فأنت ممكن تتوسع اكتر منهم فى شرح النقطة دى وبالتالى تقدم محتوى أفضل من منافسيك
- تابع المواقع المنافسة على الشوشيال ميديا وتشوف بيكتبو عن ايه وتشوف التعليقات الخاصة بالمعجبين هل فيه اسأله بيسألوها ولا يوجد لها جواب قدم انت محتوى يجيب عن هذا السؤال.
الشكل الامثل للمحتوى الحصري:
جذب إنتباه الزائر فى أقل من ثلاث ثوانى
يجب عند دخول الزائر الى الموضوع فى الاول يجب ان ينجذب الى الموضوع مثلاً يجد عنوان يجذبه يجد صورة تجذبه.
كتابة محتوى سهل التصفح والقراءة
ينقسم الى جزئين
Style الموقع ياعنى مثلاً التصميم اللون الباك جروند لون الخط حجم الخط سرعة التصفح سهل التصفح ياعنى مينفعش تكتب بلون احمر على خلفية زرقاء o.O .
يكون متقسم الى فقرات و نقاط توضيحيه مثل الموضوع الذى تقراءة تماماً مقسم الى فقرات وكل فقرة فيها نقاط.
بناء الباكلينك
استخدام موقع دفترى
تابع الشرح بالصور ملحوظة جميع الروابط فى الموقع دوفلو بمعنى اوضح ستحقق اكبر استفادة منه
ليست هناك تعليقات
إرسال تعليق